അത്രമേൽ പ്രിയപ്പെട്ടവരേ,
ഈ കഴിഞ്ഞ സെപ്റ്റംബർ 28 മുതൽ ഒക്ടോബർ 12 വരെ
കേരളോത്സവം 2025 ന്റെ ഭാഗമായി
വിവിധ ഗെയിംസ്, അത്ലറ്റിക്സ് മത്സരങ്ങൾ നടന്നത്
നിങ്ങൾ അറിഞ്ഞിരിക്കുമല്ലോ.
കേരളോത്സവം 2024 ന്റെ ശേഷം യുവധാര യുടെ
പെർഫോമൻസിനെ പറ്റിയുള്ള ഒരു നീണ്ട കുറിപ്പ്
ഇവിടെ എഴുതി ഇട്ടിരുന്നു. അതിന്റെ അവസാനത്തിൽ വരും
വർഷങ്ങളിൽ കൂടുതൽ മികച്ച പ്രകടനം
പുറത്തെടുക്കാൻ എല്ലാവരുടെയും സഹകരണം
അഭ്യർത്ഥിച്ചിരുന്നു.
എല്ലാവരും തന്നെ ആ അഭ്യർത്ഥന സ്വീകരിച്ച്
പനങ്ങാങ്ങരക്ക് വേണ്ടി ഏറ്റവും നല്ല പ്രകടനം
നടത്താൻ
നമ്മുടെ മത്സരാർത്ഥികൾക് കഴിഞ്ഞു.
കേരളോത്സവം 2025 നോട്ടിഫിക്കേഷൻ, ഇലക്ഷൻ കാരണം
വൈകും എന്ന് പ്രതീക്ഷിച്ചിരുന്നെങ്കിലും,
പെട്ടന്ന് തന്നെ വരികയും, അടുത്ത ദിവസങ്ങളിൽ തന്നെ
ക്ലബ് എക്സിക്യൂട്ടീവ് യോഗം ചേരുകയും,
മത്സരാർത്ഥികളെ കണ്ടെത്താനും, മത്സരത്തിനായി
തയ്യാറെടുപ്പിക്കാനും വിവിധ ഇവന്റുകൾക്ക്
കോർഡിനേറ്റർ മാരെ നിയമിച്ചു.
തുടർന്ന് എത്രെയും പെട്ടന്ന് തന്നെ കബഡി,
അത്ലറ്റിക്സ് ഇനങ്ങളായ റണ്ണിംഗ്, ഷോട്ട്പുട്,
ഡിസ്കസ്,
ജാവെലിൻ മത്സരങ്ങൾക്ക് വേണ്ടിയുള്ള പ്രാക്ടീസ്
ഗ്രൗണ്ടിൽ ആരംഭിക്കുകയും ചെയ്തു.
ഓൺലൈൻ രെജിസ്ട്രേഷൻ വഴി മത്സരാർത്ഥികളെ രജിസ്റ്റർ
ചെയ്യുക എന്ന വലിയ കടമ്പ കൂടി ഈ
വർഷം ഉണ്ടായിരുന്നെങ്കിലും കോർഡിനേറ്റർ മാരുടെ
കൃത്യമായ സഹകരണം കൊണ്ട് നൽകിയ
സമയത്തിനുള്ളിൽ തന്നെ ഗെയിംസ്, അത്ലറ്റിക്സ് നുള്ള
മത്സരാർത്ഥികളെ രജിസ്റ്റർ ചെയ്യാൻ ക്ലബ്
നു കഴിഞ്ഞു.
ബാസ്കറ്റ്ബാൾ, പുരുഷ വിഭാഗം ബാഡ്മിന്റൺ ഡബിൾസ്,
ചെസ്സ്, പഞ്ചഗുസ്തി എന്നീ ഇവന്ടുകളിൽ
നമ്മൾ ചാമ്പ്യൻമാർ ആയപ്പോൾ, വീര്യം ഒട്ടും ചോരാതെ
തന്നെ ഫുട്ബോളിൽ നമ്മൾ റണ്ണഴ്സ് ആവുകയും
വിവിധ നീന്തൽ ഇനങ്ങളിലും വനിത വിഭാഗം ബാഡ്മിന്റൺ
മത്സരങ്ങളിലും മൂന്നാം സ്ഥാനം നേടി നമ്മൾ
പോയിന്റ് ടേബിളിൽ മുകളിലേക്ക്
കയറിക്കൊണ്ടിരിക്കുകയും ചെയ്തു.
ആവേശകരമായ ഗെയിംസ് മത്സരങ്ങളുടെ അവസാനം ചെറിയ
വ്യത്യാസത്തിൽ ഒന്നാം സ്ഥാനം
നഷ്ടമായെങ്കിലും യുവധാര യുടെ ചരിത്രത്തിൽ ആദ്യമായി
നമ്മൾ ഗെയിംസിൽ ഓവറാൾ രണ്ടാം
സ്ഥാനത് ഫിനിഷ് ചെയ്തു.
അത്ലറ്റിക്സ് മത്സരങ്ങളിൽ വിവിധ കാറ്റഗറികളായ
സീനിയർ ബോയ്സ്/ഗേൾസ്, വനിത, പുരുഷ
വിഭാഗങ്ങളിൽ കഴിഞ്ഞ വർഷത്തേക്കാൾ കൂടുതൽ
മത്സരാർത്ഥികളെ പങ്കെടുപ്പിക്കാൻ ക്ലബിന് കഴിഞ്ഞു.
രണ്ട് ദിവസത്തെ മികച്ച പെർഫോമൻസിന് ഒടുവിൽ
അത്ലറ്റിക്സ്ൽ 54 പോയിന്റുകൾ സ്വന്തമാക്കാനും
അത്ലറ്റിക്സ് ഓവറാൾ മൂന്നാം സ്ഥാനം നേടാനും ക്ലബ്
നു കഴിഞ്ഞു.
അങ്ങനെ ഗെയിംസ്+അത്ലറ്റിക്സ് മത്സരങ്ങളിൽ
മൊത്തമായി 104 പോയിന്റുകൾ നേടി യുവധാരയുടെ
ചരിത്രത്തിൽ ആദ്യമായി കേരളോത്സവം ഓവറാൾ മൂന്നാം
സ്ഥാനം സ്വന്തമാക്കാൻ സാധിച്ചു.
ഒരുപാട് പേരുടെ അകമഴിഞ്ഞ സഹായ സഹകരണങ്ങൾ കൊണ്ട്
മാത്രമാണ് ഇങ്ങനെ ഒരു നേട്ടത്തിലേക്ക്
എത്താൻ ക്ലബ് നു സാധിച്ചത്. അതിന്
എല്ലാവരോടുമുള്ള നന്ദി അറിയിക്കുന്നു.
കൂടാതെ തുടർന്നുള്ള വർഷങ്ങളിലും എല്ലാവരുടെയും
സഹകരണം അഭ്യർത്ഥിക്കുന്നു.
ഷഫീർ ഷാൻ
സെക്രട്ടറി, യുവധാര പനങ്ങാങ്ങര